General Motors punëson ish-zëvendësin e Apple

General Motors ka punësuar Mike Abbott, një ish-zëvendës president të inxhinierisë për divizionin e Cloud Services të Apple, dhe ai do të jetë nënkryetar ekzekutiv i ekipit të softuerit për prodhuesin e automjeteve. Abbott do të drejtojë ekipin e softuerit nga fillimi e deri tek fundi i procesit të zhvillimit.

“Përvoja e Mike si themelues dhe sipërmarrës, së bashku me punën e tij të dëshmuar duke krijuar dhe ofruar disa nga zgjidhjet më bindëse të tregut të përcaktuara nga softueri për konsumatorët dhe kompanitë, e bëjnë atë një përshtatje të shkëlqyer në General Motors”, deklaroi Marry Barra, drejtoresha ekzekutive e GM.

Abbott do të fokusohet në zhvillimin e softuerit në nivelet e automjeteve dhe ndërmarrjeve. Ai gjithashtu do të punojë në shërbimet dixhitale për klientët me pakicë dhe komercial, raporton Motor 1, përcjell Telegrafi.

General Motors do të krijojë një ekip që do të përfshijë Abbott, zëvendës presidentin e divizionit të Automjeteve të Përcaktuara dhe Sistemit Operativ të Softuerit Scott Miller, Zëvendës Presidentin e Teknologjisë së Informative dhe Dixhitale, Stacy Lynett dhe Shefin e Zyrës Dixhitale, Edward Kummer.

Ndërsa punonte me Apple Cloud Services, Abbott ishte një drejtues i një ekipi përgjegjës për zhvillimin e infrastrukturës bazë për iCloud iMessage, Private Relay, Mail dhe sigurinë e përgjithshme të llogarisë. Ai gjithashtu mbajti pozicione në kategoritë e Apple për Edukim dhe Ndërmarrje.

Në mars, GM njoftoi se përfundimisht do të ndalonte ofrimin e Apple CarPlay dhe Android Auto në veturat e saj elektrike. Në vend të kësaj, prodhuesi amerikan i veturave synon të zhvillojë sistemin e tij softuerik Ultifi si një alternativë ndaj kësaj teknologjie.

Tutje General Motors beson se mund të zhvillojë softuer më të mirë në objektet e saj, sesa ai që mund të ofrojnë palët e treta. Kompania gjithashtu pret që softueri të jetë më i lehtë për t’u përmirësuar dhe për të shtuar veçori të reja. /Telegrafi/