“Ne jemi në këtë së bashku”, të famshmit bashkohen në këngë kundër COVID-19

Duket se e gjithë bota është në izolim së bashku.

Përhapja e coronavirusit ka çuar në distancim të gjerë shoqëror, dhe pavarësisht se kush jeni, momentalisht jemi në të njëjtën varkë. Kjo përfshin edhe të famshmit.

Disa yje të izoluar kënduan “Imagine” të John Lennon, një video përmbledhëse që po i bën njerëzit të ndjehen më të afërt me njëri-tjetrin, edhe kur janë larg.

https://www.instagram.com/p/B95M4kNhbzz/

Aktorja nga Izraeli, Gal Gadot ndau një montazh të personazheve të njohura duke kënduar në Instagramin e saj, e më pas edhe në YouTube.

Ylli i “Wonder Woman” thotë në video se ditën e gjashtë të vetë-karantinës së saj mori ndjenjën ‘pak filozofike’.

“Ky virus ka prekur të gjithë botën, të gjithë. Nuk ka rëndësi se kush jeni, nga jeni, ne jemi të gjithë në këtë”, ka thënë ajo.

Gadot tha se ajo që e frymëzoi për të bërë videon ishte duke parë një video nga Italia e një burri që interpretonte “Imagine” në saksofonin e tij nga ballkoni. “Ishte aq i fuqishëm”, tha Gadot.

Videoja u realizua së bashku në mënyrë që çdo yll i përfshirë këndonte një rresht ose dy, duke ndjekur Gadot. /Telegrafi/

https://www.youtube.com/watch?v=nAN1jRrstDA&fbclid=IwAR2M3ksKk8Loyer4KsQyxKbzCa1tg_auKW02aP2kHCRQZiWrGWnhQcWtv0E