Më në fund flet edhe Sarah Jessica Parker: Janë trillime se kam probleme me Kim Cattrallin

Aktoret Sarah Jessica Parker dhe Kim Cattrall kanë qenë të përfolura nëpër media për javë të tëra.

Ish aktoret e serialit “Sex and the City” jepnin detaje të marrëdhënieve të tyre, por edhe për ditët kur së bashku punonin.

Parker ka folur e para rreth refuzimit të Kim Cattrallit për të luajtur në vazhdimin e tretë të “Sex and the City”.

Ylli i serialit shpjegoi se nuk kishte grindje, por vuri në dukje gjithashtu se ditët e regjistrimit ishin një përvojë e mrekullueshme për të.

“Unë kurrë nuk kam biseduar rreth kësaj, përveçse kam thënë se disa prej nesh janë të zhgënjyer që Samantha nuk do të regjistrojë pjesën e tretë. Kurrë nuk u përgjigja rreth intervistës mes Kimit dhe Pierce Morganit, ku ajo tha gjëra që janë me të vërtetë të dhimbshme për mua”.

“kemi pasur një përvojë të mrekullueshme dhe gjithmonë do të jetë kështu. Kemi pasur një lidhje me audiencën, kemi pasur një lidhje me qytetin dhe me ekipin dhe ne treguam histori të çmendura për njëri-tjetrin. Pra, nuk dua ta prekë atë. Unë nuk do të nuk mund ta imagjinoj që dikush tjetër të luaj atë pjesë (rolin e Samantha Jones). Kështu që fjalosje nuk kemi pas, ku kjo ishte plotësisht e trilluar”, tha Sara për revistën” People”.

Sa i përket intervistës në të cilën Kim tha se nuk pranoi të regjistrojë pjesën e tretë të filmit “Sex and the City”, sepse nuk dëshiron të udhëhiqet sipas “komandantes”, Sara shkurtimisht komentoi “Ishte shumë e dhimbshme për mua. Nuk kam ndërmend t’i përgjigjem deklaratave të Kimit në media”. /Telegrafi/