Në DAP grevë çdo ditë nga ora 10 deri në 12

Nga ora 10 deri në orën 12 çdo ditë pune dyert e DAP-it do të jenë të mbyllura për qytetarët. Punëtorët filluan të protestojnë në vendin e punës sot pa kryer asnjë detyrë pune. Për sa kohë që atyre nuk u paguhet rritja ligjore e pagës prej 30%, ata do të protestojnë dhe nuk përjashtohet mundësia e grevës së përgjithshme në vendin e punës.

Kjo do të çonte në një kolaps të shtetit, thanë nga sindikata. Sipas tyre, me ndryshimin e Ligjit për Buxhet, kjo rritje ndjek ligjërisht të gjithë të punësuarit, veçanërisht institucionet që janë nën ombrellën e Ministrisë së Financave, sepse të punësuarit atje tashmë kanë marrë rritje me vendim të ministrit Besimi.

“Protestat e punonjësve në administratë për shkak të pakënaqësisë së tyre të madhe insistojnë të mbahen çdo ditë në kohën e caktuar, të cilat objektivisht do të shprehin revoltën e tyre kundër mospërmbushjes së të drejtës në bazë të ligjit dhe në të njëjtën kohë të kenë respekt për qytetarët dhe tatimpaguesit për të drejtat e tyre. Këmbëngulja jonë për një rritje të pagave bazohet në një zgjidhje ligjore që është aktualisht në fuqi në vendin tonë”, deklaroi Vase Nedanoski – Kryetar i organizatës sindikale “Solidarnost.”

Duke filluar nga e premtja, nga 30 minuta protestë do të fillojnë punonjësit e Administratës Doganore. Përveç kësaj, ata do të vendosin më tej nëse do të bllokojnë kalimet kufitare. Sipas njoftimeve të sindikatës së SPOGJ-it, nuk përjashtohet mundësia që edhe institucionet e tjera publike të nisin të njëjtat protesta.

E gjithë revolta e sektorit publik filloi pasi ministri i Financave, Fatmir Besimi rriti pagat e punonjësve të ministrisë së tij me 30%. Institucionet tjera që janë nën ombrellën e tij, të tilla si Dogana dhe DAP, nuk morën asgjë. Tani për tani, Besimi pohon se nuk do të ketë paga më të larta për këto institucione, por do të duhet të presin që të miratohet metodologjia e re e llogaritjes që do të zbatohej për të gjithë sektorin publik. /Alsat/