Ndryshime drastike te PSG për Mbappen: Real Madridi bëhet gati për afrimin e francezit

E ardhmja e Kylian Mbappes në Paris Saint-Germain ka qenë një temë e nxehtë gjatë javëve të fundit, pas konfirmimit nga 24-vjeçari se ai nuk planifikon të nënshkruajë një kontratë të re me kampionët francezë.

Marrëveshja aktuale e lojtarit me PSG-në, të cilën ai e ka nënshkruar vitin e kaluar, zgjat deri në verën e ardhshme, megjithëse ai ka mundësi ta zgjasë atë deri në vitin 2025. Megjithatë, në këtë moment, ai nuk e ka ndërmend ta bëjë këtë.

Kjo do të thotë që Mbappe mund të largohet si lojtar i lirë verën e ardhshme, edhe pse kjo është diçka që klubi parisien dëshiron të mos ndodhë. Ata do të preferonin ta shesin atë këtë verë në vend që ta humbin atë për asgjë.

Lexo po ashtu Pse Mbappe nuk do të dëshironte të shpallte publikisht dëshirën e tij për t'u larguar nga PSG

L’Equipe ka raportuar rreth detajeve të fundit në këtë situatë, në të cilën PSG i ka dhënë një ultimatum Mbappes: ose të zgjasë një vit në kontratën e tij, ose ai do të shitet këtë verë.

Kështu, fituesi i Kupës së Botës ka afat deri në fund të korrikut për të vendosur se cilin opsion ta përzgjedh.

Mbappe e ka bërë të qartë se dëshiron ta përmbushë vitin e fundit të kontratës së tij, megjithëse situata mund t’i hiqet nga duart nga drejtuesit e PSG-së.

Lexo po ashtu Marca: Real Madridi ia ka kumtuar lajmin e hidhur Mbappes

Real Madridi është shumë i etur për nënshkrimin e Mbappes, megjithëse ata do të preferonin ta nënshkruanin atë për një marrëveshje parakontrate në janar, që do të thotë se ai do të bashkohej falas verën e ardhshme.

Sidoqoftë, nëse PSG e vendos atë në treg në gusht, afati i tyre kohor mund të afrohet më shumë. /Telegrafi/