“Ndjenja e eliminimit nga Botërorit, ishte më e keqe se sa vdekja e një familjari” – deklarata tronditëse e Richarlison

Richarlison ka bërë një deklaratë shokuese së fundi rreth eliminimit nga Kampinati Botëror që u mbajt në fund të vitit të kaluar në Katar.

Sulmuesi brazilian dhe shokët e tij të skuadrës në Selecao u eliminuan nga gara në Katar në fazën çerekfinale, duke humbur ndaj Kroacisë në penallti.

Pritej shumë nga kombi i Amerikës së Jugut pasi ata konsideroheshin si favoritët për të fituar turneun përpara se të fillonte.

Lexo po ashtu Richarlison u përplas me Ramsadale, një tifoz i Tottenhamit madje shqelmoi portierin e Arsenalit

“Ishte një goditje, nuk e di. Mendoj se është më keq se humbja e një anëtari të familjes”, deklaroi Richarlison për ESPN.

“Ishte e vështirë të rikuperohesha. Deri më sot, kur shikoj video në rrjetet e mia sociale, më vjen keq. Por, duhet të vazhdojmë përpara. Unë jam ende i ri, mendoj se kam ende një ose dy Botëror përpara.

Lexo po ashtu Goli i Richarlison ndaj Serbisë zgjidhet më i miri i Kupës së Botës “Katar 2022”

“Do të vazhdoj të punoj shumë që gjërat të fillojnë të rrjedhin sërish, golat të fillojnë të vijnë, gjë që di të bëj në fushë”, ka shtuar më tej ai.

Richarlison ishte golashënuesi më i mirë i Brazilit në turne, duke shënuar tre gola në katër paraqitjet e tij. 25-vjeçari fitoi edhe çmimin “Goal of the Tournament” për realizimin e tij kundër Serbisë. /Telegrafi/