NASA po ndërton aeroplanin supersonik, i aftë të fluturojë më shpejt se zëri – por do të jetë “tërësisht i heshtur”

Avioni hapësinor X-59 i NASA-s, është i aftë të fluturojë më shpejt se shpejtësia e zërit.

Ky mund të paralajmërojë gjithashtu një epokë të re në udhëtimet e shpejta në hapësirë, pasi përpiqet të tejkalojë problemet që kishte më herët Concorde.

Normalisht, aeroplanët supersonikë krijojnë një zë të lartë kur arrijnë shpejtësinë maksimale dhe si rezultat janë ndaluar të fluturojnë nëpër zona të banuara – por krijuesit e X-59 pretendojnë se do të jetë pothuajse i heshtur ky aeroplan, transmeton Telegrafi.

Avioni – i cili ka emrin e plotë X-59 Quiet SuperSonic Technology (QueSST) – është duke u bashkuar nga Lockheed Martin, i cili tani do të punojë për ta përfunduar atë përpara testimit.

Ai duhet të aprovohet për fluturimin e tij të parë në vitin 2020, dhe lëshimi aktual do të vijë një vit pas tij.

NASA thotë se avioni i ri do të bëjë një zë që do të jetë i dëgjueshëm vetëm si një “zë i butë”, ose mund të jetë tërësisht i heshtur.

Këtë është në gjendje të bëjë për shkak të formës së tij të saktë, e cila duket diçka si një version edhe më i mprehtë i Concorde. /Telegrafi/