Napoli – Juventus, formacionet e mundshme të derbit të javës në Serie A

Luciano Spalletti pritet të luajë sonte me formacionin më të mirë të Napolit kundër Juventusit, ndërsa Federico Chiesa pritet ta fillojë ndeshje nga stoli për Zonjën e Vjetër.

Napoli është nikoqir i Juventusit në ndeshjen derbi të javës së 18-të të Serie A, e cila pritet të zhvillohet në Stadio Maradona nga ora 20:45.

Është një ndeshje mes sulmit më të mirë dhe mbrojtjes më të mirë në ligë. Lideri i tabelës Napoli deri më tani ka shënuar 39 gola, Juventusi i vendit të dytë ka pësuar shtatë deri tani.

💥 𝗧𝗮𝗯𝗹𝗲-𝘁𝗼𝗽𝗽𝗶𝗻𝗴 𝗰𝗹𝗮𝘀𝗵
🇮🇹 @SerieA_EN
🆚 @en_sscnapoli
🏟 Diego Armando Maradona Stadium
⏰ 20:45 CET
📲 #NapoliJuve pic.twitter.com/ZrljhHxLe1

— JuventusFC 🇬🇧🇺🇸 (@juventusfcen) January 13, 2023

Ekipi i plotë në dispozicion për Napolin. Piotr Zielinski rikthehet në formacionin fillestar, Mario Rui është favorit ndaj Mathias Olivera. Partenopei fitoi tre ndeshjet e fundit në shtëpi kundër Juventusit, rekordi i tyre është katër radhazi, midis 2007 dhe 2011.

Gleison Bremer është rikthyer te Juventusi, por Leonardo Bonucci, Mattia De Sciglio, Juan Cuadrado, Paul Pogba dhe Dusan Vlahovic janë ende në infermieri.

Angel Di Maria dhe ish-sulmuesi i Napolit, Arek Milik, pritet të startojnë në sulm, me Chiesan që pritet ta nis nga bankina. Italiani ishte vendimtar në fitoren 1-0 të së shtunës ndaj Udineses, kur doli nga stoli, duke dhënë asistimin për Danilon.

Juventusi fitoi tetë ndeshjet e fundit të Serie A pa pësuar dhe është i pamposhtur në tetë ndeshjet e fundit të luajtura kundër liderëve të tabelës.

Formacionet e mundshme

Napoli (4-3-3): Meret; Di Lorenzo, Rrahmani, Kim, Rui; Anguissa, Lobotka, Zielinski; Politano, Osimhen, Kvaratskhelia.

Juventus (3-5-2): Szczesny; Danilo, Bremer, Alex Sandro; McKennie, Fagioli, Locatelli, Rabiot, Kostic; Di Maria, Milik.

/Telegrafi/