Napoli është gati të apelojë vendimin pas humbjes në tavolinë nga Juventusi

Napoli është gati të paraqesë një apel zyrtar kundër vendimit të FIGC-së për t’i dhënë Juventusit një fitore 3-0 dhe zbritje prej një pike. Gjyqi i apelit mund të zhvillohet në fund të muajit.

FICG vendosi ditëve të fundit t’i japë Juventusit një fitore me rezultat zyrtar ndaj Napolit, pasi këta të fundit nuk udhëtuan drejt Torinos për të zhvilluar ndeshjen shkaku i disa rasteve me COVID-19 në skuadër.

Megjithatë, ky vendim nuk i ka pëlqyer aspak Napolit, të cilët janë gati të apelojnë vendimin dhe ta qojnë në Gjykatë të Apelit këtë vendim.

Lexo po ashtu Zyrtare: Juventusi fiton ndeshjen ndaj Napolit me rezultat zyrtar 3-0, napolitanët penalizohen edhe me një pikë

Sipas La Gazzetta dello Sport, ‘deklarata e ankesës’ zyrtare do të mblidhet sot dhe do të çojë në gjykim në Gjykatën e Apelit Sportiv me gjyqtarin që në ditët në vijim do t’i dërgojë Napolit dokumentet që shpjegojnë vendimin e tij të shkallës së parë.

Në atë pikë, avokatët e klubit të drejtuar nga Mattia Grassani, do të kenë pesë ditë për të studiuar dokumentet, duke përfshirë ato të prokurorit federal.

Nga ai moment, gjykimi i apelit mund të caktohet dhe mund të zhvillohet midis fundit të tetorit dhe fillimit të nëntorit. /Telegrafi/