Nainggolan mund të mbetet edhe për një vit i huazuar te Cagliari

Radja Nainggolan u largua nga Interi pasi nuk bënte pjesë në planet e trajnerit Antonio Conte.

Mesfushori belg kishte disa oferta, por zgjodhi të rikthehet tek ish-skuadra e tij Cagliari edhe për faktin se kishte gruan e sëmurë.

Rikthimi në Cagliari i ka bërë mirë belgut që ka rikthyer edhe formën e mirë duke qenë lojtari kryesor i skuadrës nga Sardegnia.

Megjithatë Cagliari nuk ka ende mundësi për ta blerë përfundimisht Nainggolanin dhe ka filluar bisedimet me Interin për një huazim tjetër.

Cagliari ka kërkuar nga Neroazzurët huazimin edhe për një vit tjetër të Nainggolanit duke pranuar t’ia paguajnë edhe gjysmën e pagës.

Dëshira e lojtarit është të mbetet në Cagliari, por Interi ende nuk ka dhënë përgjigje përfundimtare për këtë ide.

Gjithsesi lojtari po pëlqehet edhe nga skuadrat tjera italiane si Fiorentina dhe Milan që kanë shprehur interesim.

Pistë e mirë për belgun 31-vjeçar mbetet edhe superliga e Kinës ku nëse pranon transferimin atje do ta ketë të garantuar një pagë mbi 10 milionë euro në stinor. /Telegrafi/