Mustafa flet pas arritjes së koalicionit me Vetëvendosjen

Kryetari i Lidhjes Demokratike të Kosovës, Isa Mustafa ka konfirmuar arritjen e marrëveshjes për koalicion me Lëvizjen Vetëvendosje.

Mustafa tha se kanë arritur marrëveshje që është në dobi të Kosovës dhe është në interes të ndryshimeve që duhet të ndodhin në vend.

“Vlerësoj se marrëveshja është rezultat i mirëkuptimit dhe një pune të përbashkët mjaft të gjatë me liderin e lëvizjes Vetëvendosje dhe me bashkëpunëtporët e tij. Kemi hulumtuar të gjitha alternativat, të gjitha mundësitë, kemi ardhur bashkërisht në një zgjidhje që e vlerësojmë se është në interes të Republikës së Kosovës”, tha Mustafa, raporton Telegrafi.

Lexo po ashtu Kurti: Procesi për nënshkrimin e marrëveshjes nuk ka qenë i lehtë, por shumë më i sigurt sesa është transmetuar

Ndërsa, sa i përket çështjes së presidentit, Mustafa tha se “…jemi marrë vesh që të mos jetë pjesë e marrëveshjes që sot kemi nënshkruar. Sa i përket kryetarit të Kuvendit sot e kemi mbledhjen e Kryesisë dhe aty do vendosim për kuadro. Ne që nga fillimi kemi thënë se kryetarin e Kuvendit do ta merr ai që ka marrë  vota”.

Mustafa tha se ajo çfarë dëshirojnë në të ardhmen është që kjo qeveri të jetë e suksesshme dhe t’i realizojë pritjet e qytetarëve. /Telegrafi/