Vedat Muriqi shënoi sërish, kësaj radhe në gjysmëfinale të Kupës së Turqisë, ndaj Trabzonsporit, duke e quar në 15 numrin e golave.
Fenerbahce pësoi humbje me rezultat 2-1 ndaj Trabzonsporit, ndërsa ishte Muriqi që ia mban gjallë skuadrës së tij gjasat për kalimin në finale.
"Ne e dinim që do të ishte një ndeshje e ashpër. Meqenëse patëm ndeshje vajtje-ardhje, u futëm në fushë për të marrë rezultatin pozitiv. Ne nuk jemi të kënaqur me një gol të shënuar, por më mirë 2-1 se 2-0”.
“Ky nuk është një avantazh, por nuk është as një disavantazh i madh. Shpresoj se do të shkojmë në finale në Kadıköy me mbështetjen e tifozëve tanë".
“Unë nuk shënova në katër ndeshje radhazi, por nuk pajtohem me kritikat se paraqitjet e mia ishte në rënie. I respektoj të gjithë, por unë mundohem të luaj lojën time, vazhdimisht të kontribuoj për ekipin”.
“Nuk ka rëndësi nëse shënoj apo jo, thjeshtë duhet të kontribuoj për ekipin”.
“Nuk dua të keqkuptohem, nuk po e lavdëroj veten. Kam pasur telashe për të shënuar. Por tani i kam shënuar dy gola brenda tri ditëve. Jam i lumtur. Mundohem të jap kontribut për ekipin. Shpresoj të vazhdoj të kontribuoj me gola e asistime”, ka thënë sulmuesi shqiptar pas ndeshjes. /Telegrafi/
