Murati: Në LVV nuk ka individë kundër koalicionit me LDK-në

Anëtari i Lëvizjes Vetëvendosje, Hekuran Murati thotë se në partinë pjesë e së cilës është ai, nuk ka individë e as grupe që po e kundërshtojnë marrëveshjen e koalicionit me Lidhjen Demokratike të Kosovës.

Murati tha se mënyra se si po zvarritet kjo marrëveshje, është pakënaqësia e votuesve dhe e anëtarëve të caktuar të LVV-së.

Ai u zotua se Lëvizja Vetëvendosje do ta shfrytëzoj këtë 15-ditëshin për të arritur marrëveshjen me LDK-në dhe do ta bëj të pamundurën që brenda Kushtetutës ky koalicion të arrihet.

“Në Lëvizjen Vetëvendosje, nuk ka as grupe as individ që nuk e pranon një marrëveshje që e dërgon PAN-in në opozitë edhe e pshton venin, Në lëvizjen Vetëvendosje mundet me pas individë, edhe votues edhe anëtarë që janë pakënaqur me mënyrën qysh po zvarritet ky proces, për të cilën gja besoj jemi të pakënaqur të gjithë. Të gjithë kemi pritur që qeveria me u formu ma herët. Ka persona, individ, që janë të pakënaqur me mënyrën qysh po zhvillohen gjanat. Janë të pakënaqur për zvarritjen, por jo kundër koalicionit që e kemi quajtur “Koalicioni i shpresës”, edhe ende kemi shpresë, edhe i kemi edhe 15 ditë për me mbërri këtë gjë. Edhe LVV-ja ka me ba çdo gjë që është e mundur për me arrit brenda Kushtetutës këtë koalicion”, tha Murati. /Telegrafi/