Mungesa e golave nga Lewandowski dhe transferimet e reja – Xavi i flet të gjitha

Xavi ofroi konkluzione të ndryshme ndërsa Barcelona përfundoi turneun e saj parasezonal në SHBA të shtunën mbrëma, duke mposhtur New York Red Bulls 2-0.

Robert Lewandowski nuk ka shënuar ende për ekipin e tij të ri gjatë parasezonit, por trajneri spanjoll nuk është aspak i shqetësuar.

“Ai ka shënuar në stërvitje, pasi topi hynte dje dhe më pas sot jo, por është normale”, deklaroi Xavi për polakun pas fitores të së shtunës mbrëma.

Lexo po ashtu Lewandowski i nxejrrë të palarat Bayernit për largimin nga "Allianz Arena"

“E njëjta gjë ndodhi edhe me Luis Suarez ose Ferran Torres kur ata mbërritën. Ai do të shënojë gola, edhe pse ai sjell shumë më tepër se gola”.

“Unë mendoj se Raphinha do të na ndihmojë shumë gjithashtu, pasi ai është një nënshkrim spektakolar për këtë sezon dhe për të ardhmen”, shtoi ai.

Duke folur në përgjithësi për vizitën në SHBA, Xavi u shpreh i kënaqur dhe optimizëm.

Lexo po ashtu Gary Neville thumbon Barcelonën që në prezantimin e Koundes

“Jam shumë i kënaqur me mënyrën se si ka shkuar turneu pasi ne kemi punuar mirë fizikisht”, tha ai. “Çdo ndeshje paraqiti sfida të ndryshme dhe jam i lumtur”.

“Kemi edhe dy javë deri në fillim të sezonit, kështu që do të stërvitemi fort për të konkurruar mirë. Ne do të përpiqemi të jemi konkurrues në të gjitha garat këtë sezon”.

“Unë jam optimist për shkak të lojtarëve që kemi. Uroj që të shihni se sa të mirë janë ata në stërvitje”, ka potencuar strategu i ri.

Lexo po ashtu Probleme serioze për Barcelonën: Nuk u garantohet regjistrimi i Lewandowskit dhe Raphinas

I pyetur nëse Barcelona ka të ngjarë të bëjë ndonjë nënshkrim para fundit të afatit kalimtar, Xavi nuk mund të thoshte asnjë mënyrë.

“Nuk e di nëse do të ketë më shumë, gjithçka varet nga fair-play-i financiar dhe financat”, potencoi ai.

Lexo po ashtu Nuk ka të ndalur Barcelona - tani synon edhe Reguilonin e Tottenhamit

“Do të ketë dalje dhe këtë e kam qenë i qartë. Unë mendoj se jam 99 për qind i sigurt për (listën përfundimtare të skuadrës) dhe shumica e lojtarëve e dinë gjithashtu”.

“Ne kemi folur me lojtarët, të ardhmen e të cilëve kemi vendosur”, përfundoi Xavi. /Telegrafi/