A mund të luajë Depay në klubet e mëdha – mundësia e tij e dytë dhe e madhe i erdhi nga Barcelona

Kur në verën e vitit 2015, Manchester United nënshkroi me një 21-vjeçarin Memphis Depay, u raportua se klubi anglez kishte paguar 34 milionë euro te PSV Eindhoven.

Por gjërat nuk shkuan sipas planit në Angli dhe gjashtë vjet më vonë – pas një aventure katër-vjeçare në Francë – sulmuesi holandez po shkëlqen te Barcelona.

Aventura e Memphis zgjati vetëm dy vjet në Manchester para se ai të shitej në Lyon për rreth gjysmën e parave që lubi anglez pagoi fillimisht për të.

Në Francë, 27-vjeçari ka impresionuar dhe trajner holandez Ronald Koeman vuri re talentin e tij.

Këtë verë, pasi i përfundoi kontrata e tij me Lyon, Memphis u transferua në Barcelonë si lojtar i lirë dhe pavarësisht vështirësive financiare, klubi katalanas duket se bëri mirë me transferimin e tij.

Barcelona është e bindur se pas ecurisë zhgënjyese në Angli, Memphis do të jetë i etur për të bërë përshtypje në një klub të madh dhe për t’i treguar botës se çfarë është i aftë të bëjë.

Në ndeshjen e tij të parë në “Camp Nou”, Memphis i kënaqi tifozët e Barcelonës me një paraqitje të shkëlqyer që ishte edhe debutuese.

Pavarësisht se nuk arriti të shënojë, ai dha një asistim fantastik për golin e Gerard Pique dhe dukej shumë i përfshirë brenda ekipit.

https://www.youtube.com/watch?v=CMKLhFyjv-0&ab_channel=FutureStars

Me Lionel Messin që nuk është më në klub, nuk ka dyshim që Memphis do të duket të bëhet lojtari kryesor i sulmuesit te skuadra katalanase. /Telegrafi/