Muhamet Hyseni, 16 vjeçari që imiton politikanët e Kosovës

Muhamet Hyseni është vetëm 16 vjeç, por ndryshon sa herë e imiton dikë.

Herë bëhet më i vjetër, herë bëhet më serioz, e herë herë edhe politikan.

Edhe pse ka imituar shumë kë prej fëmijërisë, ai njihet si imituesi më i mirë i figurave të njohura të politikës.

16 vjeçari nga Podujeva, i cili edhe pse është në shkollë të mesme, kjo nuk e ndalë atë të ushtrojë këtë ëndërr, të cilën shumë shpejtë mendon ta kthej në realitet.

“Si fëmijë kam pasur dëshirë të bëhem aktor. Atëherë kam imituar të afërmit e mijë në formë shakaje. Mendoj se në të ardhmen do të arrij në skenat e aktrimit edhe për shkak të mbështetjes që kam”, deklaroi për RTV Dukagjinin, Muhamet Hyseni.

Ai shumë lehtë mund ta imitoj Isa Mustafën, pasi që është politikani i parë që e ka imituar.

Por ky personazh nuk është i vetmi që imiton. Edhe Kadri Veselin, Ramush Haradinajn apo Fatmir Sejdiun, i imiton mjaftë mirë.

Ëndrra e Muhamet Hyseni është të bëhet aktor.

Ai ka thënë se aktrimi dhe imitimi kanë një lidhje të ngushtë njëri me tjetrin./RTV Dukagjini/Telegrafi/