Mourinho: Pogba qëndron te Unitedi, unë dhe klubi nuk duam ta shesim

Jose Mourinho ka folur për të ardhmen e mesfushorit të tij te Manchester Unitedi, Paul Pogbas.

Mesfushori francez është duke zhvilluar sezonin e tij të dytë te Unitedi, pasi rikthimit të tij nga Juventusi për një shifër totale mbi 100 milionë euro.

Megjithatë, e ardhmja e tij gjithmonë ka qenë një temë diskutimi me francezin, i cili nuk ka arritur ta tregojë asnjëherë nivelin e tij real.

Lexo po ashtu Pogba: Gjykohem ndryshe nga të tjerët

Shumë skuadra janë të interesuara për shërbimet e tij dhe pritej një largim nga Old Trafford gjatë verës, por Mourinho ka mohuar diçka të tillë.

“Mendoj se ai do të jetë këtu sezonin e ardhshëm. Kjo është ndjenja ime”, ka thënë fillimisht Mourinho përpara udhëtimit të së enjtes në West Ham.

“Mund të jap garanci se nuk dua që ai të largohet”.

Lexo po ashtu Unitedi ofron Pogban si pjesë të marrëveshjes për Griezmannin

“Mund t’ju jap garanci se klubi nuk dëshiron ta shesë atë dhe unë mund t’ju jap garanci se ne nuk kemi ndonjë qasje largimi prej tij, agjentit të tij ose nga ndonjë klub”.

“Pra, në këtë moment, për mua, ai qëndron”, përfundoi trajneri portugez. /Telegrafi/