Morata te Galatasaray, sa do të fitojë Milani nga shitja e tij

Milani po negocion kalimin e Alvaro Moratas te Galatasaray, një marrëveshje që do të ishte vendimtare për t’i ndihmuar ata të mbledhin fondet e nevojshme për të nënshkruar me Santiago Gimenez nga Feyenoord. 

Mediat italiane konfirmuan se largimi i sulmuesit spanjoll është i lidhur ngushtë me ardhjen e 23-vjeçarit, të cilin kuqezinjtë e kanë identifikuar si objektivin e tyre kryesor për t’i ofruar trajnerit Sergio Conceição një përforcim në sulm. 

Sipas Calciomercato.com, Milani dhe Galatasaray janë afër arritjes së një marrëveshjeje për një huazim me detyrim blerje të vendosur në 16 milionë euro, që është pak a shumë e njëjta tarifë që kuqezinjtë i paguan Atletico Madridit vetëm gjashtë muaj më parë. 

Një lëvizje e tillë do ta lejonte Milanin të rikuperonte plotësisht paratë që shpenzuan për një sulmues, i cili përfundimisht u tregua më pak produktiv sesa pritej, dhe të përdorte fondet për të siguruar një nga talentet më emocionuese të sulmit në Evropë, me shumë hapësirë për përmirësim. 

Lexo po ashtu Neymar, Antony, Philippe Coutinho dhe shumë blerje të mëdha që dështuan pavarësisht parave të mëdha që u paguan

Morata ka shënuar vetëm një herë në nëntë paraqitjet e tij të fundit për kuqezinjtë në të gjitha garat, me trajnerin Sergio Conceiçao që vendosi ta largojë atë në pjesën e parë gjatë humbjes së tyre të fundit 2-1 ndaj Dinamo Zagrebit në Ligën e Kampionëve. /Telegrafi/