Alvaro Morata thotë se Juventusi ka mundur ta fitojë Ligën e Kampionëve dhe e ka shfrytëzuar hidhërimin nga eliminimi për ta mposhtur Torinon.
Zonja e Vjetër triumfoi me rezultat 4-1 në derbin lokal, ndërsa dy nga golat i shënoi spanjolli.
“Ishte një ndeshje shumë e rëndësishme për ne. Ishim të hidhëruar pas humbjes së të mërkurës nga Bayern Munichu, por e transformuam atë zhgënjim në energji pozitive”.
“Ne jemi Juve, duam të fitojmë gjithçka. Është turp që u eliminuam nga Liga e Kampionëve, sepse kemi mundur ta fitojmë trofeun këtë sezon”.
“Tash vëmendja jonë është kthyer te Scudetto dhe Kupa e Italisë”, ka deklaruar Morata për Mediaset Premium. /Telegrafi/