Montella: Jemi në krizë të rezultateve, tani duhet punë dhe jo fjalë!

Vincenzo Montella kërkoi nga Milani që të flasin më pak dhe punojnë më shumë pas humbjes së tretë radhazi në Serie A, ku kësaj here u mposhtën në shtëpi nga Sampdoria.

Milani nuk ka arritur të shfrytëzoj fushën e saj dhe të marr fitore ndaj Sampdorias, pasi është befasuar nga këta të fundit që fituan me golin e Luis Murielit, dhe kjo i ka lënë shije të hidhur trajnerit Montella, i cili ka pranuar që skuadra është në krizë të rezultateve dhe duhet të punojnë shumë në vazhdim.

“Ky është futbolli, më vjen keq për gjithë ato raste që i krijuam”, ka thënë fillimisht Montella pas ndeshjes për Mediaset Premium.

“Nuk mund të ankohem për lojën e treguar, por me sa duket ne kemi nevojë për të përmirësuar realizimin dhe zgjedhjen e topit të fundit”, përcjell Telegrafi.

“Rezultati është i rëndë, por ne duhet të vazhdojmë të besojmë në veten tonë dhe parimet tona të futbollit. Sampdoria janë një skuadër e mirë, por ata nuk kishin krijuar praktikisht asgjë deri te goli. Një gabim mund të ndodhë”

“Është një krizë të rezultateve, sigurisht, por ne duhet të përpiqemi që të qëndrojmë të qetë”, përfundoi trajneri i Milanit. /Telegrafi/