Mohamed Salah “ka nënshkruar kontratën me klubin nga Arabia Saudite”, pretendon ish-lojtari i Ligës Premier

Mohamed Salah ka nënshkruar një kontratë me një ekip në Ligën Pro Saudite – sipas bashkatdhetarit të tij dhe ish-lojtarit të Ligës Premier, Mido.

Heroi i Liverpoolit ishte cak i një interesimi intensiv nga liga arabe verën e kaluar me Al Ittihad që thuhet se ofroi 2000 milionë europër shërbimet e egjiptianit, por u refuzua shpejt nga liderët e Ligës Premier.

Lojtari 31 vjeçar e ka vendosur veten si një nga lojtarët më të mirë në botë që nga ardhja e tij në Anfield në vitin 2017, ku ai ka luajtur një rol të madh në triumfin e Liverpoolit në Ligën e Kampionëve dhe Ligën Premier në vitet e fundit.

Ai fitoi trofeun e tij të shtatë me klubin të dielën (25 shkurt) pas fitores së Reds në kohën shtesë kundër Chelsea në finalen e Carabao Cup, të cilën ai e humbi për shkak të lëndimit.

Vetëm disa ditë pas triumfit, e ardhmja e tij në Merseyside u vu në pikëpyetje nga Mido – i cili luajti për ekipe si Tottenham Hotspur, Middlesbrough dhe West Ham – i cili postoi në X (i njohur më parë si Twitter) për të pretenduar se Salah do të largohet nga Liverpool për Arabia Saudite këtë verë.

Lexo po ashtu Tifozët e Liverpoolit dalin me teori për sjelljen e Caicedos në finalen e Carabao Cup

41-vjeçari shkroi: “Mohamed Salah do të jetë në Ligën Saudite sezonin e ardhshëm. Janë nënshkruar kontratat”.

Liverpool pa disa lojtarë që u larguan për në Arabinë Saudite sezonin e kaluar me Roberto Firminon që iu bashkua Al Ahli, Fabinho nënshkroi për Al Ittihad, ndërsa ish-kapiteni Jordan Henderson shkoi Al Ettifaq. /Telegrafi/