Mkhitaryan pas fitores ndaj Milanit: Interi nuk mendon për finalen e Ligës së Kampionëve

Henrikh Mkhitaryan mori çmimin “Lojtari i Ndeshjes nga UEFA” pas fitores 2-0 të Interit ndaj Milanit në ndeshjen e parë gjysmëfinale të Ligës së Kampionëve.

Nerazzurrët dominuan derbin e parë evropian që nga viti 2005, duke siguruar një fitore të madhe në ndeshjen e parë.

Armeni shënoi golin e dytë për Nerazzurrët pas vetëm 11 minutash.

🥇 MVP 🥇#ForzaInter #MilanInter #UCL pic.twitter.com/Z3hLlO6LsT

— Inter ⭐⭐ (@Inter) May 10, 2023

“Që në minutën e parë, ne patëm këtë uri ekstreme për të fituar ndeshjen, të cilën e dëshmuam në pjesën e parë”.

“Ne e kontrolluam më shumë lojën pas pushimit dhe i përgëzoj shokët e skuadrës, por puna nuk ka përfunduar, kemi një ndeshje të madhe që na pret javën e ardhshme”, ka thënë Mkhitaryan.

Armendi thotë se është dashur të shënonin më shumë dhe të luanin ndeshjen e dytë javën e ardhshme me një avantazh edhe më të madh.

“Ne patëm shanset për të shënuar më shumë gola, për fat të keq duhet të jemi të kënaqur me dy dhe të shpresojmë të shënojmë më shumë në ndeshjen e dytë”.

Ciuuuufff ciuuuufff 🚂#ForzaInter #MilanInter #UCL pic.twitter.com/xl3ZR7UPRF

— Inter ⭐⭐ (@Inter) May 10, 2023

“Finalja? Nuk dua të mendoj për këtë, ne duhet të përqendrohemi në ndeshjen e radhës dhe më pas do të shohim nëse do të arrijmë në finale apo jo”, deklaroi Mkhitaryan. /Telegrafi/