Ministria e Vetëqeverisjes Lokale do të nxisë funksionimin e bashkësive lokale në Maqedoni

Qeveria e Republikës së Maqedonisë dhe Ministria e Vetëqeverisjes Lokale janë të hapura për kërkesat që dalin drejtpërdrejtë nga qytetarët për rishqyrtim të rolit dhe vendit të bashkësisë lokale në sistemin e Vetëqeverisjes Lokale, porositi sot ministri i Vetëqeverisjes Lokale, Suhejl Fazliu në konferencën përfundimtare “Rrjetëzimi dhe përfaqësimi i bashkësive lokale dhe urbane – Sfidat dhe pengesat për në të ardhmen”.

“Për momentin mund të konstatohet se ka bashkësi lokale dhe urbane që funksionojnë, por secila në mënyrë të vet. Në pjesë të madhe funksionaliteti i tyre varet nga gatishmëria e komunës për ta organizuar dhe definuar mënyrën e funksionimit të tyre në statusin e komunës. Çështja është aktuale, në mënyrë indirekte i prekë të gjithë qytetarët si mundësi për adresim direkt të pyetjeve drejt pushtetit lokal, por edhe si mënyrë për inkuadrimin e tyre në zgjidhjen e tyre”, tha ministri Fazliu.

Ai paralajmëroi se Ministria e Vetëqeverisjes Lokale do të përgatisë analizë të saj, duke pasur parasysh me atë rast ekspertizën e bërë nga sektori qytetar dhe praktikat e mira nga bashkësitë lokale dhe urbane funksionale./Telegrafi/