Ministri malazez mohon gjenocidin në Srebrenicë, reagon ashpër BE-ja

Bashkimi Evropian hodhi poshtë dhe dënon çdo mohim, relativizim ose keqinterpretim të gjenocidit të Srebrenicës, tha zëdhënësja e Komisionit Evropian, Ana Pisonero Hernandez pas deklaratave të Ministrit të Malit të Zi, Vladimir Leposaviq në lidhje me gjenocidin serb në Bosnje-Hercegovinë.

“Vitin e kaluar ne shënuam 25 vjetorin e gjenocidit të Srebrenicës, një nga kapitujt më të errët në historinë moderne evropiane. Është koha që të gjithë udhëheqësit politikë në rajon të udhëheqin në rrugën e nderimit të viktimave dhe promovimin të pajtimit”, theksoi Pisonero.

Sidoqoftë, Ministri i Drejtësisë, Drejtave të Njeriut dhe Pakicave në Mal të Zi, Leposaviq, deklaroi në parlament javën e kaluar se do të njihte gjenocidin në Srebrenicë kur ai “të vendoset pa dyshim”, transmeton Telegrafi.

The European Union rejects and condemns any denial, relativisation or misinterpretation of the genocide in #Srebrenica.

— AnaPisonero (@APisoneroECSpox) March 29, 2021

Ai tha në atë kohë se nuk e dinte “nëse kishte qëllime gjenocidale në Srebrenicë “, por nuk mund t’i besonte vetëm verdiktit të gjykatës në Hagës, e cila ka humbur legjitimitetin.

Leposaviq pohoi më tutje se Hagës nuk i besonte pasi që ka fshehur krimet ndaj serbëve në Kosovë duke iu referuar raportimit të deputetit zviceran në Këshillin e Evropës, Dick Marty.

Lexo po ashtu Ministri malazez i Drejtësisë: Haga fshehu provat e krimeve ndaj serbëve në Kosovë

Ambasada e SHBA-së në Podgoricë reagoi menjëherë ndaj deklaratave të Leposaviqit, pasuar nga dënime të shumta, veçanërisht nga Bosnja dhe Hercegovina.

Nismat qytetare nga Mali i Zi kërkuan dorëheqjen e tij, por ai foli përsëri, duke thënë se nuk do ta bënte këtë sepse beson se nuk e mohoi ose relativizoi gjenocidin e Srebrenicës. /Telegrafi/

Last year we marked the 25th commemoration of the Srebrenica genocide, one of the darkest chapters of modern European history. It is high time for all political leaders in the region to lead the way in honouring victims and promoting reconciliation.

— AnaPisonero (@APisoneroECSpox) March 29, 2021

The EU is a union of values; denial of well-documented and established facts about wartime events, including war crimes, or revisionism contradict the most fundamental of those values.

— AnaPisonero (@APisoneroECSpox) March 29, 2021

Any country aspiring to join the EU is expected to comply with and promote EU values of democracy, human rights, tolerance and justice. This includes treating victims of genocide with utmost respect and dignity.

— AnaPisonero (@APisoneroECSpox) March 29, 2021