Nicki Minaj është shprehur se është ndier e turpëruar nga përleshja e saj me Cardi B.
Reperja 35-vjeçare pati një zënkë fizike me kolegen e saj dhjetë vjet më të re gjatë Javës së Modës në New York.
"Atë natë isha pjesë e diçkaje shumë turpëruese, aq poshtëruese për ta bërë përballë njerëzve elitarë - nuk është fjala për të zinj apo të bardhë - njerëz që i kanë jetët e tyre bashkë", ka thënë Minaj në një bisedë për Beats 1 në Apple Music.\
Në një tjetër intervistë, Nicki ka theksuar se nëse Cardi vazhdon të përleshet me njerëzit mund edhe të vdesë. "Nëse i vë duart mbi njerëz të caktuar, do të vdesësh", ka thënë ajo për Queen Radio.
"Isha e poshtëruar... Nuk mund të besoja sa e turpëruar ndihesha... E bëmë veten që të dukemi shumë keq", ka shtuar më tej Minaj.
Pas zënkës, Cardi e kishte bërë një postim në rrjetet sociale, ku thoshte se Nicki ka thënë fjalë të këqija për të dhe se i ka kërcënuar artistët tjerë që të mos bashkëpunojnë me të.
https://twitter.com/_Post_Malome/status/1038388053381992448
"T'u drejtova një herë personalisht, t'u drejtova për të dytën herë personalisht... Por, kur e përmend fëmijën tim, zgjedh të bësh komente për mua si nënë, komenton për aftësitë e mia për t'u kujdesur për vajzën time, atëherë ndodh e papritura", kishte shkruar mes tjerash 25-vjeçarja.
Megjithatë, Minaj ka mohuar të ketë folur diçka për vajzën e saj. /Telegrafi/
