Milani është duke pritur ofertë të re nga Villarreali për Carlos Baccan, ndërkohë që ka të interesuara edhe klube të tjera për shërbimet e kolumbianit.
Në edicionin e kaluar, sulmuesi i Rossonerëve ishte i huazuar te Nëndetësja e Verdhë, mirëpo klubi spanjoll nuk e aktivizoi opsionin e blerjes për 15 milionë euro.
(Foto: Getty Images)
Villarreali dëshiron ta blejë 31-vjeçarin, mirëpo nuk është i gatshëm ta paguajë shumën e kërkuar nga Milani.
Klubi nga La Liga ka bërë një ofertë prej tetë milionë eurosh, mirëpo klubi italian e ka refuzuar atë.
Sipas calciomercato.com, bisedimet ndërmjet dy klubeve po vazhdojnë, mirëpo Rossonerët nuk lëshojnë pe nën 13 milionë euro.
(Foto: Getty Images)
Në ndërkohë, një klub tjetër spanjoll (emri i të cilit nuk është bërë i ditur) ka shprehur interesim për Baccan dhe mund të ndërhyjë për ta blerë kartonin e tij
Sulmuesi kolumbian deri më tani ka refuzuar oferta nga Turqi dhe Kina, pasi dëshiron të mbetet në ligat kryesore evropiane. /Telegrafi/
