Mijëra të vdekur në ndërtimin e stadiumeve: Qytetet franceze nuk transmetojnë ndeshjet e Kupës së Botës “Katar 2022”

Parisi nuk do të transmetojë ndeshjet e Kupës së Botës në ekranet gjigante në zonat publike të tifozëve për shkak të shqetësimeve për shkeljet e të drejtave të punëtorëve migrantë dhe ndikimin mjedisor të turneut në Katar.

Kjo pason me lëvizje të ngjashme nga qytete të tjera franceze, pavarësisht se Franca hyn si kampione në fuqi.

“Ekziston problemi i ndikimit mjedisor”, deklaroi Pierre Rabadan, nënkryetar i bashkisë së Parisit i ngarkuar për sportin, për radion France Bleu Paris të martën, duke përmendur “stadiumet me ajër të kondicionuar”.

“Duhet të vihen në dyshim edhe kushtet në të cilat janë ndërtuar këto objekte”, shtoi ai.

Lëvizja vjen pavarësisht se klubi i futbollit të qytetit, Paris Saint-Germain, është në pronësi të Katar Sports Investments.

“Ne kemi marrëdhënie shumë konstruktive me klubin dhe shoqëruesit e tij, por kjo nuk na pengon të themi kur nuk pajtohemi”, shtoi Rabadan.

Një numër në rritje i qyteteve franceze po refuzojnë të shfaqin ekrane për të transmetuar ndeshjet e Kupës së Botës për të protestuar ndaj të drejtave të njeriut në Katar.

Kryebashkiaku i Strasburgut, selia verilindore e Parlamentit Evropian dhe e Gjykatës Evropiane të të Drejtave të Njeriut, përmendi akuzat për abuzime të të drejtave të njeriut dhe shfrytëzimin e punëtorëve migrantë në Katar si arsye për anulimin e transmetimeve publike të Kupës së Botës.

“Është e pamundur për ne që të injorojmë paralajmërimet e shumta të abuzimit dhe shfrytëzimit të punëtorëve migrantë nga organizatat joqeveritare”, ka thënë Jeanne Barseghian në një deklaratë. “Ne nuk mund t’i falim këto abuzime, nuk mund të mbyllim sytë kur shkelen të drejtat e njeriut”.

“Ndërsa ndryshimi i klimës është një realitet i prekshëm, me zjarre dhe thatësira dhe fatkeqësi të tjera, organizimi i një turneu futbolli në shkretëtirë kundërshton sensin e përbashkët dhe përbën një fatkeqësi ekologjike”, vazhdoi ajo.

Arnaud Deslandes, nënkryetari i bashkisë së Lille, tha se duke anuluar shikimin publik të ndeshjeve, qyteti verior donte t’i dërgonte një mesazh FIFA-s për dëmin e pariparueshëm të turneut të Katarit në mjedis.

“Ne duam t’i tregojmë FIFA-s se paratë nuk janë gjithçka”, ka bërë të ditur Deslandes për Associated Press në një intervistë.

Sa i përket reagimeve të banorëve ndaj vendimit të qytetit, ai shtoi: “Unë ende nuk kam takuar një person në Lille, i cili ishte i zhgënjyer nga vendimi ynë”.

Katari ka qenë po aq i ashpër në mohimin e akuzave për shkelje të të drejtave të njeriut dhe ka hedhur poshtë vazhdimisht akuzat se siguria dhe shëndeti i 30,000 punëtorëve që ndërtuan infrastrukturën e Kupës së Botës janë rrezikuar.

Aktivistët mjedisorë në të gjithë Francën kanë mbështetur anulimin e transmetimit publik në zonat e tifozëve për shkak të shikimit në natyrë të 20 nëntorit-dhjetorit. Turneu i 19-të do të përdorte energjinë që vendi ka ruajtur për dimër. /Telegrafi/