Mickoski: Jam i bindur në fitoren e OBRM-PDUKM-së

Kreu i OBRM-PDUKM-së, Hristijan Mickoski pas takimit me kryesin e Sindikatës për Arsim dhe Shkencë, tha se “dëshpërimi është i madh, tendenca është që të ketë ndryshme, të vinë politikanë që ofrojnë shpresë, politikanë që e dinë se si të menaxhojnë me sfidat, por unë jam i bindur në fitoren e madhe të OBRM-PDUKM, dhe nuk do të ishte çudi nëse kemi shumicën në Kuvend”.

Ai theksoi se pret mbështetje nga qytetarët për koalicionin ‘Për rindërtim të Maqedonisë’, dhe siç tha ai, kjo ndjehet çdo ditë në mesin e qytetarëve, përcjell Telegrafi Maqedoni.

Ai tha se në qeverisjen e tij theks të veçantë do të jetë që të kemi shtet funksional, menaxhimi me krizën e pandemisë, me sfidat në arsim, kriza shëndetësore dhe kriza ekonomike.

Mickoski theksoi se vendet evropiane tashmë kanë filluar të flasin për skrining masiv dhe vaksinim masiv nga gripi sezoal.

“Paramendoni se çdo të ndodhë nëse me kapacitet tona shëndetësore vinë pacientë nga gripi sezonal, njerëz të infektuar me coronavirus. Me të vërtetë do të jetë një situatë e rëndë. Për fat të keq te ne, askush nuk diskuton për këtë. Për fat të mirë pas 15 korrikut fiton rindërtimi dhe do të ketë plan të qartë”, tha Mickoski.

Mickoski tha se me përfaqësuesit e sindikatës SASHK-ut kanë biseduar për politikat e tyre të cilat Qeveria e OBRM-PDUKM-së do t’i zbatojë./Telegrafi/