Presidenti i Republikës së Shqipërisë Ilir Meta e cilësoi drejtësi të vonuar dënimin e sotëm të kriminelit Radovan Karaxhiq nga Gjykata e Hagës me burg të përjetshëm.
“Vendimi i sotëm i Tribunalit të Hagës, që dënoi Karaxhiqin, është jo vetëm një drejtësi e vonuar, por mbi të gjitha, një thirrje që mos të harrojmë urrejtjen etnike e gjenocidin që buron prej saj”, tha presidenti.
Meta tha se “ky vendim është një mësim për të punuar pa u lodhur për bashkëjetesën e harmoninë mes popujve, kombeve dhe etnive në Ballkan”.
