Meta kërkon falje për përmbajtjen e dhunshme në Instagram pas një gabimi në algoritëm

Meta i Mark Zuckerberg ka kërkuar falje pasi përdoruesit e Instagramit iu nënshtruan postimeve të dhunës, përgjakjes dhe abuzimit me kafshë e trupa të vdekur në Reels.

Bëhet e ditur se përdoruesit raportuan pamjet pas një mosfunksionimi të dukshëm në algoritmin e Instagramit.

Reels është një veçori në platformë që lejon përdoruesit të ndajnë video të shkurtra, të ngjashme me TikTok.

Ka pasur referenca nga përdoruesit për një video të një njeriu që shtypet nga një elefant, një burrë që goditej nga një helikopter e shumë të tjera, shkruan the Guardian, përcjell Telegrafi.

Një zëdhënës i Meta tha: “Ne kemi rregulluar një gabim që bëri që disa përdorues të shihnin përmbajtje në burimin e tyre të Instagram Reels që nuk duhej të rekomandohej. Kërkojmë falje për gabimin.”

Raportohet se gabimi vjen pas ndryshimeve të fundit në qasjen e kompanisë ndaj moderimit të përmbajtjes.

Udhëzimet e përmbajtjes së Meta thonë se kompania do të heqë përmbajtjen që është “veçanërisht e dhunshme” dhe se disa imazhe do të mbrohen nga ekranet e përmbajtjes. /Telegrafi/