Messi zgjedh sulmuesin më të mirë të të gjitha kohërave

Ylli i Barcelonës, Lionel Messi e ka cilësuar legjendën braziliane, Luis Nazario da Lima Ronaldon, si sulmuesin më të mirë të të gjitha kohërave.

Debatit për sulmuesin më të mirë të të gjitha kohërave i është shtuar edhe argjentinasi i Barcelonës, Messi.

Në një intervistë të fundit, Messi e cilësoi ish-sulmuesin e Barcelonës, Real Madridit dhe Interit, Ronaldon si sulmuesin më të mirë që ka parë ndonjëherë në jetën e tij.

Lexo po ashtu Agjenti i Ronaldos zbulon që fenomeni brazilian ishte afër kalimit te Rangers në vitin 1997, do të kishte klauzolë të veçantë  

Reprezentuesi brazilian, tani në pension, luajti mbi pesëqind ndeshje në niveli klubi, duke shënuar mbi treqind e pesëdhjetë e dy gola.

Ai gjithashtu fitoi dy Topa të Artë, u zgjodh tre herë lojtari i vitit nga FIFA dhe shënoi dy herë në finalen e Kupës së Botës 2002 për të fituar turneun me Brazilin.

“Ronaldo [Nazario] ishte një fenomen. Nga të gjithë sulmuesit që kam parë ndonjëherë, ai ishte më i miri”.

Lexo po ashtu Mourinho zgjedh më të mirin e të gjitha kohërave, nuk është Messi as Ronaldo

“Ai ishte jashtëzakonisht mbresëlënës”, ka thënë Messi në një intervistë për gazetën AS.

Messi nuk është i vetmi që foli lavdërime për legjendën braziliane, pasi edhe Jose Mourinho pohoi se ‘Fenomeni’ ishte lojtari më i madh që kishte parë ndonjëherë. /Telegrafi/