Messi në bankën rezervë, PSG luan përballë Reims – Formacionet zyrtare

Paris Saint-Germaini është mysafir i Stade de Reims në ndeshjen e xhiros së katërt të kampionatit francez.

Skuadra kryeqytetase i ka fituar të tria përballjet e para, ndërsa synimi është i njëjtë edhe në Stade Auguste Delaune. Reims, në anën tjetër, ka luajtur baras në tri përballjet e para duke arkëtuar tri pikë.

Lajmi kryesor lidhur me këtë ndeshje është debutimi i superyllit argjentinas, Lionel Messi, i cili arriti me bujë të madhe nga Barcelona te PSG gjatë kësaj vere.

View this post on Instagram

A post shared by Telegrafi Sport (@telegrafisport)

Megjithatë, tifozët duhet ta presin pjesën e dytë të takimit për ta parë në fushë idhullin e ri, nëse trajneri do të vendosë që ta inkuadrojë në fushë.

Në anën tjetër, mesfushori i Kosovës, Valon Berisha, ndodhet në bankën rezervë te skuadra e Reims dhe do ta presë mundësinë për të luajtur në vazhdim të takimit.

Trajnerët e dy skuadrave, Oscar Garcia dhe Mauricio Pochettino, i kanë bërë përgatitjet e fundit dhe i kanë zgjedhur lojtarët që do të startojnë nga fillimi.

Formacioni startues i Reims: Rajkovic; Gravillon, Faes, Abdelhamid; Foket, Munetsi, Cassama, Lopy; Mbuku, Toure, Kebbal.

Formacioni startues i Paris Saint-Germainit: Keylor Navas; Hakimi, Marquinhos, Kehrer, Diallo; Verratti, Gueye, Wijnaldum; Neymar, Mbappe, Di Maria.

/Telegrafi/