Lionel Messi vazhdon të bëjë histori te Barcelona. Argjentinasi ka barazuar rekordin e Xavi Hernandezit me 505 paraqitje në La Liga për klubin katalunas këtë të shtunë në mbrëmje.
Në ndeshjen si titullar në Camp Nou kundër Alavesit, Messi barazohet me ish-shokun e tij të skuadrës në rekordin për më shumë paraqitje në La Liga.
Messi tani ka plot 505 ndeshje me Barcelonën në La Liga, ndërsa më herët kishte kaluar 442 ndeshjet e zhvilluara nga Andres Iniesta.
Ky rekord e vë Messin brenda tetë ndeshjeve për rekordin e paraqitjeve të Xavit në të gjitha garat, rekord i cili qëndron në 767 ndeshje të zhvilluara.
Si dhe duke barazuar rekordin e Xavit për klubin, argjentinasi është futur në 10 lojtarët me më shumë paraqitje në histori të La Ligas.
Messi është ende disi larg 622 ndeshjeve të Andoni Zubizarreta, dhe ai ndjek Joaquin Sanchez (567 dhe akoma aktiv), Raul Gonzalez (550), Eusebio Sacristan (543) dhe Paco Buyo (542).
Ndeshje e sotme është e 20-ta për Messin këtë sezon në La Liga, sezon në të cilin ai ka shënuar 13 gola. /Telegrafi/
