Mes largimit dhe qëndrimit te Interi, Skriniar në mëdyshje për të ardhmen e tij

Milan Skriniar nuk do të refuzonte një lëvizje jashtë vendit, edhe pse ai ‘nuk po mendon të largohet nga Interi’.

Mbrojtësi sllovak është lidhur vazhdimisht me një largim nga Giuseppe Meazza, pasi kontrata e tij do të skadojë në qershor të vitit 2023.

Shumë klube të mëdha evropiane si Paris Saint-Germain, Real Madrid, Barcelona, ​ Tottenham Hotspur, tani që menaxhohet nga ish-trajneri i Interit, Conte dhe  Manchester United e Liverpool duan transferimin e Skriniarit.

Lexo po ashtu Lista me lojtarët më të vlefshëm që nuk do të jenë pjesë e Kupës së Botës

Për situatën e tij ka folur edhe vet Skriniar, i cili sado që mendon se një përvojë e re jashtë është e mirëpritur, një largim nga Interi duket i pamundur.

“Një përvojë e re jashtë vendit nuk është kurrë një gjë e keqe, por duke thënë këtë, jam shumë i lumtur te Interi dhe jetoj në Milano”, ka thënë fillimisht sllovaku për gazetën Corriere della Sera.

#Skriniar: 'Ecco le differenza tra #Conte a #Inzaghi. All'Inter sto bene, ma un'esperienza all'estero…' https://t.co/ZYN0oTveLw pic.twitter.com/I3zACcJ7Jc

— calciomercato.com (@cmdotcom) December 24, 2021

“Nuk po mendoj të largohem, jam i lumtur këtu. Megjithatë, kurrë nuk e dini se çfarë mund të ndodhë. Nuk kemi folur ende për një rinovim, pasi kontrata ime është deri në vitin 2023”.

“E dija se do të vija në një klub historik, edhe nëse ishte një klub që në atë kohë kishte vështirësi. Ishte e vështirë të kalosh nga një mbrojtje me katër lojtarë në tre, pasi nuk e kisha bërë kurrë më parë dhe ishte një luftë”, përfundoi Skriniar. /Telegrafi/