Megjithatë Arsenali është në shitje, Kroenke i gatshëm të heq dorë nga klubi anglez

Arsenali thuhet se është në shitje vetëm disa ditë pasi Stan Kroenke këmbënguli se ai nuk do të pranonte asnjë ofertë për klubin.

Miliarderi suedez i kompanisë Spotify, Daniel Ek, javën e kaluar zbuloi qëllimin e tij në rrjetet sociale dhe tha se ai po përgatit një ofertë për blerjen e Arsenalit.

Dhe fjala për qarkun e investimeve ndërkombëtare është se Arsenali ka qenë në mënyrë efektive në treg – për rreth dy vjet.

Lexo po ashtu “Ne jemi 100 për qind të përkushtuar ndaj Arsenalit’ - familja Kroenke hedh poshtë bisedimet për shitjen e klubit

Sipas mediumit Daily Mail, ka më pak se dy vjet që kur kompania mbajtëse Kroenke Sports and Entertainment (KSE) me bazë në Denver mori një qasje nga një konsorcium financiar ndërkombëtar.

Pronari Stan Kroenke thuhet se është i gatshëm të shesë Arsenalin, përkundër pretendimeve të fundit të djalit të tij se ata nuk do të heqin dorë nga pronësia e klubit.

Lexo po ashtu Themeluesi i Spotify, Daniel Ek shpreh interesim për të blerë Arsenalin

Tifozët e Arsenalit janë të etur për të parë amerikanët që largohen nga klubi sa më shpejt të jetë e mundur dhe miliarderi Daniel Ek është kandidati kryesor për të marrë përsipër.

Kroenke thuhet se tha blerësve të mundshëm dy vjet më parë se 1.7 miliardë funte apo rreth 2 miliardë euro do të ishin të mjaftueshme për ta blerë klubin nga Emirates. /Telegrafi/