Mediumi katalunas ‘lëshon bombën’ – Barcelona kontakton PSG-në, Neymar dëshiron të kthehet në Camp Nou

Sulmuesi i Paris Saint-Germain, Neymar është objektivi kryesor i Barcelonës në afatin kalimtar të verës dhe tashmë janë bërë kontaktet e para mes tri palëve rreth një transferimi të mundshëm, pasi edhe dëshira e lojtarit është të rikthehet te ish-klubi i tij.

Presidenti i ri i Barcelonës, Joan Laporta dëshiron ta rikthejë brazilianin në Camp Nou, dhe sulmuesi është i etur për ribashkim me ish-klubin e tij.

Sipas mediumit të njohur RAC1, Barcelona tashmë ka bërë lëvizjet e para në përpjekje për të nënshkruar me Neymarin.

Neymar wants to leave PSG to return to Barcelona, who have recently spoken to the player's entourage, according to RAC1 👀 pic.twitter.com/W1rwQFbW85

— GOAL (@goal) May 1, 2021

Klubi i Barçës ka kontaktuar tashmë PSG-në dhe shoqëruesit e Neymarit për të folur rreth një transferimi të mundshëm në afatin kalimtar të verës.

Lexo po ashtu Neymar dëshiron kthimin te Barcelona

Sulmuesi brazilian, në fakt, është objektivi numër një i klubit për të forcuar skuadrën për sezonin e ardhshëm, ndërsa Haaland, sipas informatave, do të ishte në vendin e dytë.

Gjithmonë sipas mediumit RAC1, pozicioni i klubit parisien tani për tani nuk ka lëvizur: Neymar mbetet i pa transferueshëm.

Pavarësisht kësaj, Barcelona konsideron se kontaktet e para kanë qenë pozitive dhe ka një harmoni të mirë për të vazhduar negociatat.

Lexo po ashtu Guardiola: Barcelona do të kishte fituar edhe dy ose tre Liga të Kampionëve nëse Neymar do të qëndronte

Drejtuesit e klubit nga Camp Nou e dinë që gara për brazilianin do të jetë shumë e gjatë dhe, për momentin, nuk e shohin të pamundur ardhjen e tij. Leonardo, drejtori sportiv i PSG-së thuhet se do të ishte pengesa e madhe.

Kontrata e Neymarit përfundon në qershor të vitit 2022 dhe nëse nuk rinovon, PSG do të ishte pothuajse i detyruar ta shiste atë në këtë afat të verës për të marrë një pjesë të parave të investuara katër vjet më parë. /Telegrafi/