Emri i Frederic Veselit, mund të mos i bëjë përshtypje tani shumicës së tifozëve të Manchester United.
Por në janar të vitit 2012, emri i mbrojtësit shqiptar të lindur në Zvicër ishte në buzët e tifozëve të Djajve të Kuq në të gjithë botën.
Pse? Për shkak se Veseli u bashkua me klubin e njohur tetë vite më parë, duke lënë Manchester City për Unitedin, në një transferim që u krye falas.
Mbrojtësi, i cili ishte vetëm 19 vjet në atë kohë, nënshkroi një kontratë për 18-muaj me “Djajtë e Kuq”, duke u paraqitur nga klubi si një yll i ardhshëm i futbollit botëror.
Para transferimit të tij në Old Trafford, Veseli ishte kapiten i Zvicrës U17 u fituan Kupën e Botës në vitin 2009.
Ai gjithashtu luajti nëntë herë e U19 dhe shtatë herë U20 të Zvicrës, para se të rrëmbehej nga Sir Alex Ferguson.
Synimi i Veselit ishte i lartë, por ai fatkeqësisht nuk arriti të lënë shenjë te United dhe u la i lirë në verën e vitit 2013, ku mbrojtësi u bashkua me Ipswich Town.
Atëherë, ku është ai tani? Le të shohim tani karrierën e 28-vjeçarit.
Givemesport e nis me një gjë pozitive të karrierës së tij profesionale.
Veseli ka 31 ndeshje në nivelin e kombëtarëve me Shqipërinë. Tetë nga ato paraqitje kanë ardhur në Ligën e Kombeve.
Ai madje bëri një paraqitje edhe në Euro 2016, duke luajtur pesë minuta në humbjen 2-0 të Shqipërisë ndaj Francës.
Por karriera e tij me klube? Epo, ka qenë mjaft interesante që kur ai u bashkua me Ipsëichin në 2013.
Veseli bëri vetëm një paraqitje për “The Tractor Boys” dhe u huazua te Bury dhe Port Vale në vitin 2014.
Ai u bashkua me këtë të fundit si lojtar i tyre në vitin 2015, por aventura e tij në futbollin anglez do të përfundonte po atë vit.
Skuadra zvicerane FC Lugano vendosi të nënshkruajë qendërmbrojtësin për një vit në sezonin 2015/16, ku ai vazhdoi të luante në 33 ndeshje për klubin.
Shfaqjet e Veseli në vendin e lindjes së tij i dhanë atij një kalim në skuadrën italiane, Empoli në vitin 2016, ku ai qëndroi deri në këtë verë.
Këto ditë, qendërmbrojtësi që Fergie shpresonte se do të ishte një shtyllë kryesore te United, gjendet duke luajtur në Serie B me Salernitanan pasi nënshkroi një kontratë dy-vjeçare në gusht me këtë klub.
Karriera e tij nuk ka qenë ashtu siç shumë e kanë parashikuar kur ai arriti në Old Trafford tetë vjet më parë, por asgjë nuk është e garantuar në futbollin profesionist dhe Veseli është një shembull. /Telegrafi/
