Mediat italiane shkruajnë se Georgina Rodriguez refuzon të paguhet për në “Sanremo” sa prezantueset tjera, kërkon mbi 100 mijë euro

“Soldi” titullohej kënga përfaqësuese e Italisë vitin e kaluar në “Eurovision”, e cila u rendit e dyta në natën finale.

Përkthyer në shqip, fjala “Soldi” do të thotë “para” dhe për fat të keq paratë po dalin të jenë problemi që do ta zbusë shkëlqimin e ngjarjes, e cila përcakton këngën e radhës përfaqësuese të Italisë në “Eurovision”.

Partnerja e futbollistit Cristiano Ronaldo, Georgina Rodriguez, është bërë një nga gratë më të kërkuara në Itali, jo vetëm për faktin se është pronare e zemrës së futbollistit të mirënjohur, por edhe për bukurinë e saj të shkëlqyeshme.

Kohët e fundit, ajo ishte konfirmuar si një nga prezantueset e festivalit më të madh në Itali, njëherësh më të vjetrit në Evropë, “Sanremo”, që do të mbahet në shkurt në qytetin me po të njëjtin emër.

Sidoqoftë, lajmet e reja që qarkullojnë në gazetat italiane, tregojnë se Georgina ka hedhur poshtë angazhimin, me sa duket për mos pajtimin me pagesën e ofruar për këtë punë.

Për më tepër, ditë më parë është tërhequr nga prezantimi edhe artistja e famshme botërore, Monica Bellucci.

Por burime të tjera pohojnë se partnerja e yllit portugez kishte probleme të caktuara me ata që janë përgjegjës për organizimin e ngjarjes, kështu që ka qenë e pamundur të arrihet një marrëveshje.

Me sa duket, Georgina refuzoi kushtet e propozuara, duke kërkuar një shumë prej më shumë se mbi 100,000 euro, për të prezantuar ngjarjen e rëndësishme muzikore, ndërkohë thuhet se organizatorët nuk kanë propozuar ta paguajnë atë më shumë se sa të gjitha femrat tjera që prezantojnë.

Edhe pse për momentin nuk ka ndonjë pozicion përfundimtar nga të dyja palët, ekziston mundësia që organizatorët të pranojnë të përmbushin kërkesat e gruas së Cristianos për të qenë në gjendje të llogarisin pjesëmarrjen e saj në këtë event.

Kujtojmë që për herë të parë në historinë e këtij festivali me shumë traditë do të ketë një prezantuese shqiptare, dhe ajo është Alketa Vejsiu. /Telegrafi/