Mediat boshnjake: Kampionia olimpike ka ardhur në Sarajevë

Stërvitjen e parë e ka mbajtur sot pasdite Majlinda Kelmendi, kampionia olimpik e Kosovës.

Organizuar nga Federata e Xhudos së Bosnjë dhe Hercegovinës, në Sarajevë sot filloi kamp veror nën kryesimin e trajnerit, Driton Kuka, trajneri i kampiones olimpike nga Rio, Kelmendi.

Kampi ka mbledhur më shumë se 250 xhuristë dhe trajnerë nga Holanda, Danimarka, Norvegjia, Suedia, Belgjika, Turqia, Greqia, Kroacia, Australia, Bosnja dhe Hercegovina, dhe pjesëmarrësit e kampit në katër ditët e ardhshme të trajnimit në sallën e hotelit “Hollywood” në Ilidza.

“Jemi shumë të kënaqur që kampet që ne kemi organizuar me sukses në vitet e fundit janë vizituar dhe vlerësuar në mënyrë të jashtëzakonshme në Evropë, siç dëshmohet nga një numër i madh xhudistësh nga vende të tjera. Është nder i veçantë që në kampin tonë mund të presim pjesëmarrës dhe emra si Majlinda Kelmendi dhe trajneri i saj, Driton Kuka”, tha Arijana Jaha, organizatorja e kampit.

Driton Kuka, i cili mbërriti dje në kryeqytetin boshnjak, ka pohuar se gjithmonë ndihet i veçantë me ardhjen në Bosnje.

“Xhudo është sporti më i rafinuar olimpik në vendin tuaj dhe duke gjykuar nga të gjitha rezultatet, por edhe angazhimi i Brano Crnogorac dhe Arijana Jahas, do të mbetet kështu në të ardhmen”, tha trajneri i kampiones olimpike.

Ndryshe, pjesë e kampit është edhe kampionia jonë tjetër, Nora Gjakova, e cila ditë më parë mori medeljen e argjendtë në Minsk të Bjellorusisë. /Telegrafi/