Meçi mes Haye dhe Bellew: Paratë e garantuara për dy boksierët

David Haye është zotuar se “do ta lë shpirtin” në ring në rimeçin kundër Tony Bellew, mirëpo një duel i tillë boksi ka edhe të ardhura të mëdha.

Në përballjen e parë mes tyre, Bellew i befasoi të gjithë duke triumfuar ndaj ish-kampionit të botës, pasi britaniku e kishte lënduar tetivën e Akilit në raundin e gjashtë.

Lexo po ashtu Të gjitha lajmet për David Haye

Stafi i tij u detyrua ta hidhte peshqirin dhe ta dorëzonte meçin në raundin e 11-të, pasi 37-vjeçari u nokautua dy herë nga Bellew.

Edhe pse e kishte humbur meçin në marsin e vitit të kaluar, Haye kishte përfituar 4.2 milionë funte (4.75 milionë euro).

Të dy boksierët i kishin të garantuar nga 2.5 milionë funte (2.83 milionë euro), por britaniku përfitoi më shumë falë marrëveshjes në lidhje me transmetimet me pagesë.

Lexo po ashtu Të gjitha lajmet për Tony Bellew

Edhe Tony përfitoi 2.8 milionë funte (3.17 milionë euro) asokohe, falë marrëveshjeve të ndryshme.

Edhe për duelin të shtunës, të dy boksierët i kanë të garantuar nga 2.5 milionë funte (2.83 milionë euro), mirëpo kjo shifër do të rritet shumë më tepër për shkak të popullaritetit më të madh dhe përfitimeve nga transmetimi televiziv.

Mirëpo, nuk është bërë e qartë se cili do të përfitojë më shumë kësaj radhe, Haye apo Bellew dhe se a do të varen fitimet nga boksieri që do ta fitojë meçin. /Telegrafi/