Mbyllet pjesa e parë mes Liverpoolit dhe Chelseat – dy gola, një penallti e humbur dhe disa vendime kontroverse

Liverpooli e ka mbyllur pjesën e parë me epërsi ndaj Chelseat, në derbin që po luhet në kuadër të javës së 22-të në Ligën Premier.

Blutë protestuan për një penallti në minutën e gjashtë, kur Conor Gallagher u rrëzua në zonën e The Reds, por gjyqtari heshti dhe nuk shikoi as në VAR.

Në minutën e tetë, Darwin Nunez krijoi një shans për gol, por që portieri i Chelsat ndërhyri për ta çuar topin në goditje nga këndi.

https://twitter.com/vartatico/status/1752793782838284302?ref_src=twsrc%5Etfw%7Ctwcamp%5Etweetembed%7Ctwterm%5E1752793782838284302%7Ctwgr%5Ec3c5a70e6f67de9a4b510572912496e1d6d3ab4a%7Ctwcon%5Es1_&ref_url=https%3A%2F%2Ftelegrafi.com%2Fliverpooli-kalon-ne-epersi-ndaj-chelseat%2F

Sulmuesi uruguaian (18’) kishte sërish një mundësi shënimi, por që portieri i Bluve sërish intervenoi.

Liverpooli më në fund ia doli që të shënonte golin e epërsisë, kur në minutën e 24-të shënuan nëpërmjet Diogo Jotas.

Ben Chilwell (35’) kërkoi penallti kur u rrëzua në zonë nga Ibrahima Konate, por gjyqtari sërish heshti, madje i dha anglezit karton të verdh.

https://twitter.com/vartatico/status/1752797905176412266

Në minutën e 39-të, vendasit shënuan edhe golin e dytë, tani nëpërmjet talentit Conor Bradley, për rezultatin 2-0.

Liverpooli pati shansin që të shënonte edhe golin e tretë, por nga penalltia dështoi Nunez (45+2′) që goditi shtyllën.

Duke parë ritmin e pjesës së parë, me gjasë edhe në 45 minutat e dytë do të ketë së paku një gol. /Telegrafi/

https://twitter.com/centregoals/status/1752800248173564126