Mbretëresha Elizabeth II feston ditëlindjen e 96-të, këto janë disa privilegjet që i gëzon vetëm ajo

Sot (e enjte) Mbretëresha Elizabeth II feston ditëlindjen e 96-të në Sandringham. Një fotografi është publikuar për të shënuar ditëlindjen, ku shfaqet mbretëresha me dy poni dhe reflekton interesin e saj të përjetshëm për kuajt.

Ajo është monarkja më jetëgjatë e Britanisë.

Monarkja e 63-të e Britanisë, feston 96-vjetorin e lindjes, megjithëse ditëlindja e saj shënohet zyrtarisht në qershor, kur festohet edhe 70-vjetori i vendosjes së saj në fron.

Lexo po ashtu Mbretëresha shpallet ‘E moshuara e vitit’ dhe e refuzon çmimin, sepse nuk ndihet e vjetër

Ndërsa Mbretëresha gëzon disa privilegje që vijnë nga të qenit mbretërore, ka disa përfitime të tjera unike dhe befasuese që gëzon duke qenë monarkja në pushtet.

Ja disa nga privilegjet e veçanta që i gëzon vetëm Mbretëresha:

Mbretëresha nuk ka nevojë për patentë për të vozitur

Tingëllon çmenduri, por Mbretëresha e Anglisë është personi i vetëm në Mbretërinë e Bashkuar dhe ndoshta në të gjithë botën që mund të drejtojë ligjërisht pa patentë. Asaj nuk i duhen as targa.

Nuk i duhet pasaportë

Kjo për shkak se të gjitha pasaportat e Mbretërisë së Bashkuar lëshohen në emër të mbretëreshës. Megjithatë, anëtarët e tjerë të familjes mbretërore nuk mund ta gëzojnë këtë privilegj.

Feston dy ditëlindje

Ditëlindja e saj zyrtare është më 21 prill dhe e dyta festohet të shtunën e dytë të qershorit si ditëlindja e saj “zyrtare” mbretërore.

Lexo po ashtu Pse Mbretëresha feston dy ditëlindje dhe kur është e vërteta?

Ka bankomatin e saj

E siguruar nga Coutts (një nga bankat më ekskluzive të Britanisë), bankomati është instaluar në bodrumin e Pallatit Buckingham. Ky është një përfitim që mund të gëzojnë edhe anëtarët e tjerë të familjes mbretërore.

Zotëron të gjitha mjellmat në lumin Thames

Çfarë do të thotë kjo? Të gjitha mjellmat e pashënuara në ujë të hapur i përkasin Mbretëreshës. Megjithatë, madhëria e saj “ushtron pronësinë e saj” vetëm “në zona të caktuara të Thames dhe degëve të saj përreth”, sipas faqes zyrtare të Familjes Mbretërore.

Asnjë projektligj nuk mund të miratohet për të formuar një ligj pa pëlqimin e saj

Pëlqimi i Mbretëreshës është i një rëndësie të madhe. Është e nevojshme që çdo projektligj të kthehet në një ligj aktual. Pasi një ligj i propozuar është miratuar në të dy dhomat e Parlamentit, ai merr rrugën për në Pallat për miratim, i cili quhet “Pëlqimi Mbretëror”.

Mund të tërhiqet nga pagesa e taksave

Megjithatë, ajo nuk e bën. Ajo filloi të paguante vullnetarisht pjesën e saj në vitin 1992.

Lexo po ashtu Mbretëresha refuzon të hajë fruta që nuk janë të sezonit gjatë dimrit, thotë ish-kuzhinieri

Mbretëresha ka fuqinë VETO për çdo këshillë/mendim ministror

Mbretëresha mund të ushtrojë pushtetin e saj nëse dhe kur ndodh ndonjë “krizë e rëndë kushtetuese”.

Nuk mund të arrestohet kurrë

Mbretëresha nuk mund të arrestohet kurrë pasi gëzon imunitet sovran. Kjo do të thotë, ajo është e mbrojtur për tërë jetën.

Ajo ka fuqinë për të shkarkuar të gjithë Qeverinë Australiane

Në thelb, Kryeministri i Australisë emërohet nga Guvernatori i Përgjithshëm. Mbretëresha mund të udhëzojë përfaqësuesin e saj të emërojë një kryeministër të ri në çdo kohë. Ajo mund të emërojë gjithashtu një Guvernator të Përgjithshëm të ri, nëse ai nuk respekton.

Vendos kodin mbretëror të veshjes

Nga veshja e pantallonave të ngushta deri te mos veshur kurrë e një veshje tërësisht të zezë (ato janë rreptësisht të rezervuara për ditë zie), ka shumë rregulla të modës për familjen. Ajo ka fjalën e fundit për çështje të tilla, dhe disa nga udhëzimet bazohen në preferencat e saj personale.

Lexo po ashtu 16 rregullat më qesharake dhe të rrepta që duhet të ndjekin pjesëtarët e familjes mbretërore

Paraqitet pa mbiemër

Mbretëresha Elizabeth u rrit me mbiemrin e shtëpisë së saj familjare, Windsor. Por kur trashëgoi fronin, ajo la pas emrin e saj të mëparshëm dhe mori emrin Elizabeth Regina. /Telegrafi/