Mbret i golit në Serie A, Lazio përgatit ofertën e rinovimit për Immobilen

Lazio raportohet se janë të gatshëm t’i ofrojnë Ciro Immobiles një kontratë të re deri në qershor 2025.

Biancocelestët po e bëjnë të qartë pozicionin e tyre dhe presidenti i klubit, Claudio Lotito, dëshiron të shmangë klubet e mundshëm që do t’i ofrohen lojtarit, por edhe yjve të tjerë duke i ofruar kontrata të reja për të qëndruar në kryeqytetin italian.

Ka pasur shumë lajme për  të ardhmen e top-shënuesit më të mirë në Serie A, pasi ai me golat e tij arriti ta rendit Lazion në vendin e dytë në kampionat A dhe të fitojë Superkupën e Italisë kundër Juventusit në dhjetor.

Calciomercato.com shkruan se Lotito është i gatshëm të luftojë me klubet tjera, duke rinovuar marrëveshjen e lojtarit në muajt e ardhshëm, ku përfshihet një pagë e përmirësuar dhe bonuse të ndryshme.

Lazio është duke përgatitur një kontratë ku do të përfishen edhe golat dhe që kontributet e tij përpara gjatë pesë sezoneve të ardhshme, duke përfshirë edhe një bonus për Ligën e Kampionëve dhe nëse fitohet Scudetto. /Telegrafi/