Mbahet takimi mes drejtuesve të Interit dhe përfaqësuesve të Lautaro Martinez, kontrata e re mes palëve shumë afër

Sipas Sky Sport Italia, takimi i parë mes drejtuesve të Interit dhe përfaqësuesve të Lautaro Martinez për zgjatjen e kontratës ishte pozitiv, kështu që ata janë afër një marrëveshje të re për pesë vite me 6 milionë euro në sezon.

Takimi ishte planifikuar për disa javë dhe më në fund u bë sot, ku drejtorët e klubit nuk u takuan me agjentin Alejandro Camano në selinë e zakonshme të Interit.

Sidoqoftë, eksperti i transferimeve te Sky Sport Italia, Gianluca Di Marzio raporton se takimi shkoi shumë mirë dhe të dyja palët janë afër një marrëveshjeje.

Kontrata aktuale e Lautaro zgjat deri në qershor 2023 dhe paga e tij është vetëm 2.5 milionë euro në sezon, e njëjta pagë që ai kishte që kur nënshkroi nga Racing Club në 2018.

Lautaro që atëherë ka fituar titullin e Serie A me Interin dhe Copa America me Argjentinën, ku nuk munguan ofertat e mëdha prej 90 milionë eurosh nga Tottenham dhe Atletico Madrid.

Sidoqoftë largimi i Romelu Lukaku te Chelsea, ka bërë që Interi të mbajë fortë Lautaro Martinezin.

Kontrata e re do të jetë pesëvjeçare me vlerë 6 milionë euro në sezon.

Agjenti i tij kishte kërkuar 7 milionë euro, kështu që mund të ketë disa bonuse që do të lidhen me paraqitjet. /Telegrafi/