Mbahen matjet zyrtare – Kampioni Usyk i befasoi të gjithë me peshën e tij përpara meçit të revanshit ndaj Joshua

Anthony Joshua u befasua nga Oleksandr Usyk, i cili në peshimin e sotëm ishte shumë më i lehtë se sa pritej përpara ndeshjes së nesërme.

Ndeshja mes Joshuas dhe Usyk do të zhvillohet nesër (e shtunë) në mbrëmje në Jeddah të Arabisë Saudite, ku boksieri britanik do të tentojë të rifitojë rripat e humbur me vendim unanim të gjyqtarëve në meçin e parë.

Usyk dominoi ata përballje edhe pse ishte shumë më i lehtë se Joshua.

Megjithatë, pavarësisht se këtë herë dukej shumë më i rëndë, Usyk peshonte vetëm 100.5 kilogramë, që është 1.3 kilogramë më shumë se herën e kaluar.

Kampi i Joshuas priste që ukrainasi të ishte më afër 110 kilogramëve, kështu që diferenca në peshë mund t’i ngatërrojë plotësisht në përgatitjen për meçin.

Oleksandr Usyk has come in at a career heaviest, while Anthony Joshua has also added weight ahead of Saturday's blockbuster rematch. 🚨#UsykJoshua2pic.twitter.com/44mXymhSwT

— Sky Sports News (@SkySportsNews) August 19, 2022

Të dy luftëtarët peshonin pak më shumë se herën e kaluar. Joshua peshonte 110.9 kilogramë, ndërsa Usyk ishte më shumë se 10 kilogramë më i lehtë se kundërshtari i tij. Megjithatë, shumë menduan se dyshja këtë herë do të ishin më afër peshës.

“Mendoj se Usyk do t’i afrohet 110 kilogramëve, herën e fundit ka qenë rreth 100 kilogramë, pra po flasim për 10 kilogramë më shumë… Mendoj se duket pak më i madh në fotot që pashë dje, jo sa unë, por si një peshë më e rëndë”, ka thënë Eddie Hearn për talkSPORT përpara peshimit.

Kujtojmë se ndeshja mes Joshuas dhe Usyk është caktuar të shtunën nga ora 23:30 deri në mesnatë. /Telegrafi/