Mbahen matjet për duelin e madh britanik – Haye dhe Bellew, gati për supersfidën (Foto/Video)

David Haye dhe Tony Bellew kanë matur peshat e tyre para super sfidës që ka ngritur në këmbë Anglinë.

Dy boksierët e famshëm janë takuar përsëri ku nuk kanë munguar fjalët mes tyre.

Ndeshja do të zhvillohet nesër, ndërsa ishte konfirmuar që në nëntor.

Haye ka dalë të jetë më i rëndë, pasi peshon mbi 105 KG, për dallim nga Belleë që peshon 95 kg.

Hayes tha se në skenën e matjes ekziston vetëm një sportist.

“Jam një sportist profesional. Ai jo. Shikoni te unë dhe mund ta vëreni që kam punuar shumë që të arrijë në këtë formë. Nuk ia vlen të merrem me të. Është sikurse të qëndrosh në shtëpi. Jam i vetmi luftëtarë në këtë skenë”, ka thënë Hayes.

Ndërsa Belleë që njihet edhe për rolin e tij në filmin Creed, është kundërpërgjigjur.

“Ai duket më i dobët se unë. Kam mundur të shtojë peshë, por nuk kam dashur”, ka thënë djaloshi nga Liverpuli.

Të dy boksierët kanë rekord identik sa u përket ndeshjeve. Të dy kanë zhvilluar nga 30 ndeshje, ku kanë nga 28 fitore dhe dy humbje.

Dueli fillon në ora 21:15. / /Telegrafi/