Lothar Matthaus është i bindur se trajneri i RB Leipzig, Julian Nagelsmann, do të zëvendësojë gjermanin Hansi Flick në stolin e Bayern Munichut.
Flick njoftoi të shtunën se ai synon të largohet nga Bayerni në fund të sezonit , me 56-vjeçarin që pritet të marrë detyrën e trajnerit të Gjermanisë pas Euro 2020.
Nagelsmann thuhet se do të jetë kandidati i preferuar i ekipit bavarez për të marrë detyrën e trajnerit këtë verë, por 33-vjeçari tha këtë javë se nuk ka pasur bisedime midis tij dhe kampionëve të Bundesligës.
Sidoqoftë, legjenda e Bayernit dhe Gjermanisë, Matthaus beson se Nagelsmann dëshiron të trajnojë Bavarezët dhe beson se trajneri i Red Bull Salzburg, Jesse Marsch, do të shkoj në RB Leipzig.
“Mendimi im është: Flick shkon te DFB, Nagelsmann te Bayern dhe Jesse Marsch te Leipzig”, ka thënë fillimisht Matthaus për Sky.
“Sigurisht, Bayerni nuk foli me Julian Nagelsmann drejtpërdrejt, por filloi bisedën me rrethin e Julian Nagelsmann dhe unë jam ende duke qëndruar pranë kësaj sot”.
“Unë jam i bindur që Julian Nagelsmann do të pasojë Hansi Flick. Ai dëshiron të marrë hapi tjetër në karrierë”, përfundoi legjenda gjermane. /Telegrafi/
