Maserati hidhet në tregun luksoz të automjeteve elektrike me SUV-in kompakt tërësisht elektrik, Grecale

Prodhuesi italian i makinave luksoze Maserati, prezantoi Grecale, një SUV kompakt krejt i ri që do të vijë në një gamë të motorëve, duke përfshirë një version tërësisht elektrik në vitin 2023. Kjo do të shërbejë në planin e Maserati-t për t’u bërë një markë vetëm për EV deri në vitin 2030.

Sipas medieve të huaja, përcjell Telegrafi, javën e kaluar, Maserati njoftoi planet për të lansuar një sërë automjetesh elektrike që mbajnë emrin e markës Folgore, që në italisht do të thotë “rrufe”.

Maserati po mban të fshehta shumicën e specifikimeve përkatëse për EV, duke përfshirë rrezen, madhësinë e baterisë dhe kohën e karikimit. Grecale elektrike do të vijë me një arkitekturë 400 volt, e cila është e ngjashme me atë që përdoret nga shumica e automjeteve elektrike sot në rrugë.

Modeli Folgore do të vendoset në platformën e tij EV dhe nuk do të përdorë domosdoshmërisht asnjë platformë specifike të EV të kompanisë mëmë Stellantis, thanë drejtuesit e Maserati javën e kaluar. Grecale elektrike do të përdorë një version të modifikuar të platformës Giorgio që përdoret gjithashtu nga Alfa Romeo Stelvio. /Telegrafi/