Marigona Hajdari: Ndeshje të vështira ndaj Ishujve Faroe, por me ekip të kompletuar i mposhtim

Qendra e Kosovës, Marigona Hajdari, po bën karrierë shumë të suksesshme në elitën e Danimarkës. Dhe ajo e di nivelin që ka skuadra e Ishujve Faroe, me të cilën Kosova luan në fazën e parë kualifikuese për Botërorin e vitit të ardhshëm.

Ndikimi i hendbollit danez në atë të Ishujve Faroe është shumë i madh. Disa prej lojtareve të Ishujve Faroe luajnë në skuadrat daneze.

“Besoj që ndeshjet kundër Ishujve Faroe do të jenë të vështira. Ishujt Faroe kanë luajtur mirë dhe e ka befasuar Danimarkën dhe Rumaninë me lojën dhe shpejtësinë që ka.

Lexo po ashtu Kosova luan me Ishujt Faroe në kualifikimet për Botëror në konkurrencën e femrave në hendboll

“Mirëpo, besoj dhe shpresoj që Kosova me ekip të kompletuar dhe me lojtare 100 për qind në formë, e mposht ekipin e Ishujve Faroe”, ka thënë Marigona Hajdari.

Ndeshjet me Ishujt Faroe luhen në nëntor, ndërsa Marigona pritet të jetë prej lojtareve kryesore. Ajo ka kohë që po shfaq stabilitet dhe formë të lartë në ligën daneze.

Dallohet për organizimin e lojës, por edhe për shpejtësinë që ka. Te Ishujt Faroe e njohin shumë mirë Marigonën. Selektori i saj e kishte ftuar në ekipin që drejtonte, disa vjet më parë.