Maradona: Mourinho më i mirë se Guardiola

Menaxheri i Manchester United, Jose Mourinho, është menaxher më i mirë se homologu i tij i Manchester Cityt, Pep Guardiola, sipas Diego Maradonas.

Guardiola e udhëhoqi Cityn në drejt titullit në Ligën Premier sezonin e kaluar.

Ai është duke luftuar edhe  këtë edicion , ndërsa Unitedi i Mourinhos nuk po e bën të njëjtën gjë.

Megjithatë, sipas Maradonas, ish- trajneri i Real Madridit, Chelseat dhe Interit, Mourinho është trajneri më i mirë në botë.

Lexo po ashtu Formacioni më i mirë në histori të La Ligas: Nga Cristiano Ronaldo te Lionel Messi, Johan Cruyff e Alfredo Di Stefano

“Për mua po, Mou është më i miri”.

“Do t’i jepja Pepit merita që ka përfituar nga ajo që Johan Cruyff i ka dhënë atij”.

Pep Guardiola is the @NWFAwards Manager of the Year 👏 Congrats, boss! 💙 #mancity pic.twitter.com/gQNmJx03pR

— Manchester City (@ManCity) November 12, 2018

“Unë kam thënë në më shumë se një rast se tiki-taka nuk është shpikur nga Guardiola. Ishte krijim i Cruyff”.

“Për momentin Pep është në gjendje të zgjedhë çdo lojtar në botë që ai dëshiron. Në këtë mënyrë tiki-taka është më e lehtë”.

Maradona, tani është në krye të skuadrës së dorës së dytë, Dorados, ku punon si trajner.

I pyetur nëse do të ishte i interesuar për të drejtuar klub në Spanjë, fituesi i Kupës së Botës në vitin 1986 tha se vetëm në një “projekt afatgjatë”.

Ai shtoi se do t’i interesonte, që të shkojë në Manchester për të mësuar nga Mourinho.

“Unë vetë si trajner duhet të mësoj shumë dhe për këtë arsye mendoj se do të shkoj në Manchester te Mourinho për ta pyetur për shumë gjëra”.

“Sepse ai është më i miri pa dyshim”, deklaroi Maradona. /Telegrafi/